Кыргызстанда сүт рыногун бириктирген ассоциация пайда болду. Бул тууралуу Айыл чарба министрлигинин басма сөз кызматы билдирди.

"Кыргызстандын сүт азыктары ассоциациясы" тармакты өнүктүрүүнүн приоритеттүү багыттарын аныктайт, рыноктун катышуучуларынын ишмердүүлүгүн оптималдаштырат, экспорттук потенциалды жогорулатат жана продукция өндүрүүнүн сапатын жогорулатат.

Ассоциациянын мүчөлөрүнүн арасында кайра иштетүүчү ири ишканалар, дыйкан чарбалар жана фермерлер бар.

Бирикме ушул жылдын август айында негизделген. Юстиция министрлигинин маалыматы боюнча, директору Темирбек Ажыкулов.