Быйылкы жылдын январь-май айларында 2020-жылдын декабрына салыштырмалуу, жалпы республика боюнча керектөө бааларынын жана тарифтеринин өсүшү 4,8% түздү. Бул тууралуу Улуттук статистикалык комитет билдирди.

Баалар азык-түлүк товарларына жана алкоголсуз суусундуктарга 6,8% га, алкоголдук ичимдиктерге жана тамеки заттарына - 6,5% га, азык-түлүк эмес товарларга - 3% га, калкка кызмат көрсөтүүлөргө тарифтер - 1,1% га жогорулады.

Ушул мезгилде картошка - 33,9%, кум шекер - 20,6%, тамак-аш өсүмдүк майлары - 19%, козу - 14,2%, тооктун жумурткасы - 13%, жаңы жашылчалар - 12%, жаңы жемиштер - 9,6% га, балык - 5,1% га жана нан - 2,8% га кымбаттады.