Ушул жылдын январь-октябрь айларында өнөр жай өндүрүшүнүн көлөмү 274 миллиард сомдон ашып, 2020-жылдын ушул мезгилине салыштырмалуу 0,23%га өстү. Бул тууралуу Улуттук статистикалык комитет социалдык-экономикалык өнүгүүсүнүн жыйынтыгы боюнча маалымат жыйынында билдирди.
Белгиленгендей, өсүш бир эле учурда бир нече тармакта өндүрүлгөн продукциянын көлөмүнүн көбөйүшүнө байланыштуу болду.
Алсак, январь-октябрь айларында чийки мунай продуктуларын, резина жана пластмасса буюмдарын, курулуш материалдарын, жыгач жана кагаз буюмдарын, полиграфия буюмдарын, тоо-кен өндүрүшүн, ошондой эле тамак-аш жана тамеки буюмдарын өндүрүүдө өсүш катталган.
Кошумчалай кетсек, бул жылдын январь-сентябрь айларына салыштырмалуу көрсөткүч 40,5 миллиард сомго көбөйгөн.