2019-жылдын январь-декабрь айларында Евразиялык экономикалык биримдигинин өнөр-жай өндүрүшүнүн көлөмү 2018-жылдын ушул эле убагына салыштырмалуу 102,5 пайызды түздү. Бул тууралуу Евразиялык экономикалык комиссиясы билдирди.
2018-жылдын ноябрь айына салыштырмалуу бүткүл биримдиктин өнөр-жай өндүрүшүнүн өсүшү 2019-жылдын ноябрына карата 8,3 пайызды түзгөн.
Каралып жаткан мөөнөттөгү эң жогорку өсүү Арменияда байкалып, ал +9 пайызды түзгөн, экинчи орунда Кыргызстан +6,9 пайыз. Өсүү тоо-кен жана кайра иштетүү өндүрүшү менен камсыздалып, алардын көрсөткүчтөрү +18,4 жана +8,3 пайызды түзгөн. Ал эми өндүрүш жана электр менен камсыздоо тармактары төмөндөгөн. Газ менен камсыздоо, канализация системасы, таштандыларды чогултуу жана жайгаштырууну көзөмөлдөө дагы түшүп, көрсөткүчтөрү -3,4 жана -2,8 пайызды түзгөн.
Казакстандын өндүрүш өнөр-жай өндүрүшү 3,8, Орусияныкы 2,4 жана Беларустуку 1 пайызга өскөн.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
