Ош облусунун Ноокат районунун Борко айылында 375 окуучуга ылайыкталган мектеп курулууда. Долбоордун 60%ы аткарылды, объект ушул жылдын аягында пайдаланууга берилет, деп билдирди Архитектура, курулуш жана турак жай -коммуналдык чарба мамлекеттик агенттиги.

Мекеменин маалыматы боюнча, учурда ички жасалгалоо жана электр иштери, ошондой эле жылуулук, суу түтүгү, канализация жана тышкы тармактарды орнотуу иштери жүрүп жатат. Мындан тышкары, тышкы жасалгалоо иштери башталды.

Объектинин курулушу 2020-жылдын январь айында башталган. Жаңы мектептин сметалык баасы 1 миллион доллар, анын 459 миң доллары каржыланган.