Ушул жылдын январь-март айларында ЕАЭБ өлкөлөрүнөн импорттук түшүүлөрдүн төмөндөшү 2020-жылдын ушул мезгилине салыштырмалуу 9,4% түздү. Бул тууралуу Улуттук статистикалык комитет билдирди. 

Маалыматка ылайык, ЕАЭБден импорттун азайышы кара металлдан жасалган буюмдардын импортунун 5,6 эсе кыскаргандыгына байланыштуу.

Ошондой эле, ушул жылдын январь-март айларында ундун импорту 2,3, автоунаалар 1,7, фармацевтикалык продукциялар 1,6 эсеге кыскарган.

Бирок, айрым товарлардын импортунун төмөндөшүнүн фонунда, бодо малдын импортунун 8,2 эсе көбөйүшү байкалган.

Жалпысынан, 2021-жылдын биринчи кварталында Кыргыз Республикасы менен ЕАЭБ мамлекеттеринин ортосундагы өз ара соода жүгүртүүнүн эң чоң үлүшү Орусия менен Казакстанга туура келери белгилүү болду.