Жогорку Кеңештин депутаты Осмон Турдумамбетов эсептелген пайыздар, туумдар, салык санкциялары жана ишкерлердин камсыздандыруу төгүмдөрү боюнча карыздарды реструктуризациялоо боюнча мыйзамды узартууну сунуштоодо. Мыйзам долбоору буга чейин коомдук талкууга коюлган.

Мыйзам долбоору менен салык төлөөчүлөрдү төмөнкүдөй көлөмдө жана учурларда эсептен чыгаруу менен 2021-жылдын 1-июлуна карата түзүлгөн салыктарды өз убагында же толук төлөбөгөндүгү үчүн алынуучу туумдарды жана салык санкцияларын төлөөдөн бошотуу сунушталат:

• 100% - негизги салык милдеттенмелери 2022-жылдын 1-июлуна чейин толугу менен төлөнгөндө, эгерде ошол учурда же мыйзам кабыл алынган айдын биринчи күнүндө, салык төлөөчүнүн негизги карыз суммасы жок болсо;
• 50% - негизги салык милдеттенмелери 2022-жылдын 31-декабрына чейин толугу менен төлөнгөндө.

Ушул эле схеманы камсыздандыруу төгүмдөрү боюнча карыздарды реструктуризациялоо жол-жобосуна киргизүү сунушталып жаткандыгын кошумчалайбыз.