2021-жылдын декабрынын аягында Кыргызстандын эл аралык дүң резерви 2 млрд 977,56 млн долларды түздү. Мындай маалыматты республиканын Улуттук банкы жарыялады.

Былтыр январдан декабрга чейин ал 2,7 млрд доллардан 8,39%га, ал эми ноябрдан декабрга чейинки бир ай аралыгында 30 млн 450 миң долларга өскөн.

Белгилей кетсек, 2021-жылдын сентябрь айында Кыргызстандын дүң резервинин көлөмү тарыхый максимумга жетип, 3 млрд 241,1 млн долларды түзгөн.