Орто Азиядагы мамлекеттерди эл аралык транспорттук коридорго кошуу стартегиялык мааниге ээ жана артыкчылыктуу багыттардын бири болуп саналат. Бул тууралуу биринчи кыргыз-казак форумунда казакстандык саясат таануучу Казбек Майгельдинов билдирди. 

Майгельдиновдун айтымында, учурда Орто Азиядагы регионалдык тарнспорттук каридорду өнүктүрүү актуалдуу болуп келет. 

«Транспорттук коммуникация жана инфраструктураны биргелешип өнүктүрүү, туристтерди тартуунун бирден бир жолу», — деп баса белгиледи эксперт. 

Андан сырткары эксперт, Казакстанда ири инфраструктуралык долбоорлор: Ляньюньган порту, Кытай менен чектеш кургак Хоргос порту, Каспий деңизиндеги Актау порту ж.б. колдонууга берилгенин белгиледи.