Улуттук банк 22-ноябрда мамлекеттик 2 жылдык казына облигацияларын кошумча жайгаштырууну өткөрөт. Бул тууралуу регулятордун сайтында маалымдалды.

Чыгаруунун пландаштырылган көлөмү 750 миллион сомду түзөт. Баалуу кагаздардын кирешелүүлүгү 8%, бир мамлекеттик облигациянын баасы 93,01 сомду түзөт.

Кошумчалай кетсек, 19-ноябрда өткөрүлгөн аукциондордун жыйынтыгы боюнча мамлекеттик казына облигацияларынын 2, 7 жана 15 жылдык мөөнөттөрү боюнча кирешелүүлүгү тиешелүүлүгүнө жараша 8,89, 12,5 жана 15%ды түздү.