Бишкектеги труксуз кырдаалга байланыштуу Мамлекеттик каттоо кызматынын бардык тармактары: калкты тейлөө борбору, «Унаа» мамлекеттик ишканасы, «Кыргызпочта» МИ, «119» кол-борбору жана архивдер саат 12:30да жабылат. Бул тууралуу кызматтын сайтында маалымдалат. 

«Түшүнүү менен кабыл алууңуздарды суранабыз жана тартипти сактоого чакырабыз», — деп билдирди ведомство. 

Белгиленгендей, бардык объектилер жана нөөмөттө турган офицерлер кайтарылат. Мамлекеттик каттоо кызматы иштин качан башталараы тууралуу абалга жараша маалымат берет.