Улуттук банктын бардык номиналдагы алтын куймалары кымбаттоодо. Мындай жыйынтыкты жөнгө салуучу органдын күнүмдүк статистикасынын негизинде жасоого болот.

Бүгүн, 9-декабрга карата алтындын унцийин кайра сатып алуунун баасы 157 миң 755 сомду түздү. Бул 8-декабрга караганда 674 сомго же 7,93 долларга, ал эми 5-декабрдагы апта башындагыдан 15,88 долларга көп. 

Кошумчалай кетсек, 10 граммдык куймалардын сатуу баасы 5,13 долларга жана 100 граммдык куймалар 44,38 долларга жогорулаган. Ошондой эле, куймаларды сатып алуу менен аларды кайра сатуунун наркынын ортосундагы ажырым инвесторлорго пайда алып келбей жатат.