Жарыяланган
2025-16-09, 14:55Минкабдын төрагасы Адылбек Касымалиев Ички иштер министлигинин Жол кыймылынын коопсуздугун камсыздоо башкы башкармалыгына 150 автоунаанын ачкычын тапшырды. Бул тууралу аталган министрлик билдирди.
Жаңы автоунаалар “Хайтера” рациялары, GPS-навигациясы менен видеобайкоо камералары бар – санариптик технологиялар менен жабдылган.
Касымалиев борбордо каттоодо турган машинелердин саны 400 миңден ашып, келген-кеткендерди кошкондо 700 миңдей машина каттап жатканын белгилеп, жол кыймылынын коопсуздугун камсыз кылган кызматкерлерди заманбап автоунаалар менен камсыздоо зарылчылыгын айтты.
“Мындай жетишкендиктер коомдогу тартипке жол ачууда. Коом тынч – заман тынч. Заман тынч болсо, мыйзамдарды сыйлап, коомдо кабыл алынган эрежелерди сактаган коом пайда болот. Ынтымак жана тартип орногон жерде – мамлекет туруктуу өнүгөт”-деди ал.
