«Айыл чарбасын каржылоо – 8» программасы аркылуу 2020-жылдын 25-июнуна карата 7 коммерциялык банк тарабынан жалпы суммасы 3,3 млрд сомго 6631 кредит берилген. Бул тууралуу премьер-министр Кубатбек Боронов мамлекеттик банктардын ишмердүүлүгүн талкуулоо боюнча кеңешмеде билдирди.

Бизнеске колдоо көрсөтүү үчүн эл аралык донорлордон 36 млн доллар бөлүнгөн

«Финансы министрлигинин маалыматына ылайык, 2020-жылдын 25-июнуна карата 7 коммерциялык банк тарабынан жалпы суммасы 3,3 млрд сомго 6631 кредит берилген. Кредиттердин негизги бөлүгү жазында дыйкандар каражатка муктаж учурда берилген. Бирок биз көрүп тургандай, пландын жарымынан көбүрөөк бөлүгү аткарылды. Албетте, жазында карантин жарыяланган, бирок, кредит берүү көлөмүнүн кыскаруусу банктардын карыз алуучуларга карата талаптарынын жогорулашына байланыштуу деп эсептейм», - деп белгиледи Кубатбек Боронов.

Табл.Маалымдама

млн. сом

«Коммерциялык банктар «Түндүк» системасы аркылуу жарандарга кредиттик линия алуу үчүн зарыл документтерди топтоо процессин жеңилдете турган убакыт келди. Менимче, кредит алуу үчүн карыз алуучу 2-3 негизги документти, анын ичинде кредит алууга арыз жана бизнес-долбоорду көрсөтсө болот. Калган документтерди алар үчүн банктар мамлекеттик органдар жана башк банктар менен өз ара тыгыз аракеттешүүдө чогултуулары керек. Ар түрдүү мамлекеттик түзүмдөрдүн, финансы институттарынын жана калктын санариптештирүүнүн алкагындагы өз ара аракеттенүү системасын жакшыртуу зарыл», - деп кошумчалады өкмөт башчы.

Премьер-министр эки жумалык мөөнөттө кредит алуу процедураларын жөнөкөйлөштүрүү боюнча сунуштарды киргизүүнү тапшырды.