Талас облусунун «Маймак» эркин экономикалык аймагына мунай иштетүү заводун куруу сунушу берилди. Бул тууралуу президенттин сайтында маалымдалат.
Мунайды кайра иштетүү заводун куруу идеясын инвестициялык саясат боюнча жыйында «Темирлан-Ойл» ААКтын башкы директору Мухит Оразбаев билдирди. Оразбаев Казакстандын Кумкөл кениндеги чийки мунайдын негизинде завод курууну сунуш кылды. Ошондой эле, анын айтымында, долбоор ишке ашса, завод үчүн жабдуулар Германиядан сатылып алынат.
Тараптар мунай өндүрүү технологиясынын деңгээлин көтөрүү боюнча инвестициялык саясатка канааттандырарлык деген баа беришип, инвестициялоо шарттарын мындан ары өркүндөтүү боюнча бир пикирге келишти.
Копирование материалов, представленных на сайте, возможно только с разрешения редакции и с обязательным указанием активной гиперссылки на источник
