«РСК Банк» тарабынан «Айыл чарбасын каржылоо-8» долбоору 2 млрд 152 млн сом насыя берилди. Бул тууралуу өкмөт үйүндөгү маалымат жыйында «РСК Банк» ААК башкармалыгынын төрагасынын орун басары Улан Шамкеев билдирди.

Доллардын курсу сентябрда 82 сомго чейин жогорулашы мүмкүн

Анын айтымында, быйылкы жылы «Айыл чарбасын каржылоо-8» долбоору боюнча банктын бюджети 2 млрд 800 млн сомду түзөт.

«Бүгүнкү күнү 2 млрд 152 млн сом берилди. Алардын ичинен өсүмдүк өстүрүү багыты боюнча 135 млн сомго 389 насыя, мал чарбачылыгы боюнча 1 млрд сомго 453 млн сомго 371 насыя жана кластер багыты боюнча 104,9 млн сом берилди. Айыл чарба азыктарын кайра иштетүү тармагына 261,3 млн сом жана ун чыгарган ишканаларга 203 млн сом берилди», - деди ал.