Бишкекке Санкт-Петербургдан Кыргызстандын жарандары келди

Бүгүн, 20-августта Кыргызстанга «Авиа Траффик» авиакомпаниясынын «Санкт-Петербург – Бишкек» багыты боюнча чартердик каттамы менен 140 кыргыз жараны учуп келди. Алардын арасында жаш балдар бар. Бул тууралуу КР ТИМдин басма сөз кызматы билдирет.

Бул каттамдагы жүргүнчүлөрдүн тизмеси Санкт-Петербургда жашаган кыргызстандыктардын өз ара аракеттешүүсү боюнча түзүлгөн ыкчам штабынын алдындагы комиссия тарабынан КР жарандарынын жеке өтүнүчтөрүнүн негизинде түзүлгөн.

Чет мамлекеттерде жүргөн Кыргыз Республикасынын жарандарын кайтаруу боюнча иштер уланууда.