Ошко Москвадан Кыргызстандын 245 жараны кайтып келди

2020-жылдын 19-августунда «Урал Авиалиния» авиакомпаниясынын «Москва – Ош» багыты боюнча чартердик каттамы менен Кыргызстанга Россиядан 245 КР жараны кайтып келди, алардын арасында жаш балдар да бар.

Комиссиялык тандоо гуманитардык критерийлер боюнча КР жарандарынын жеке арыздарынын негизинде жүргүзүлдү. Каттамга төрөтү жакындап калган кош бойлуулар жана жаш балдары бар аялдар, ошондой эле Мекенине чукул түрдө кайтышы керек болгон себеби бар жарандар киргизилген.

Чет мамлекеттерде жүргөн жана мекенине кайтып келүүнү каалаган Кыргыз Республикасынын жарандарын кайтаруу боюнча иштер уланууда.