Мыктыбек Абдылдаев спикерлик кызматтан отставкага кетти

Мыктыбек Абдылдаев, бүгүн 10-октябрда спикерлик кызматтан отставкага кетти. Бул тууралуу ал өзү бүгүнкү депутаттардын жыйынында билдирди.

«Мен отставкага кетүү чечимин кабыл алдым. Буга чейин мага ишеним артканыңыздар үчүн ыраазычылык билдирем. Спикерлик кызматты азыр мыйзамга ылайык Мирлан Бакиров алып барат», - деп айтты Абдылдаев.

Эске сала кетсек, Мыктыбек Абдылдаев 5-октябрда, өлкөдөгү башаламандык маалында спикер болуп шайланган. Ал эми ага чейинки спикер Дастан Жумабеков дагы парламенттик шайлоонун жыйынтыгынан кийин өз каалоосу менен кызматтан кеткен.