Алтындын баасы бир жума ичинде 80.5$ кымбаттады

Үстүбүздөгү жылдын 1-декабрынан тарта тазаланган куйма алтындын баасы 4.14% жогорулаган. Бул тууралуу регулятор маалымдады.

Бүгүн, Улуттук банк таза куйма алтынды 171 миң 611.5 сомго сатып алууга даяр. Бир жума мурун бул баа 164 миң 784 сомду түзгөн. Муну менен катар декабрь айынан бери алтындын бир унцияга болгон баасы 6 миң 827.5 сомго же 80.5 долларга жогорулаган.

Кошумчалай кетсек, жалпысынан алтынга болгон баанын өсүүсү байкалууда.

Белгилей кетсек, жыл башынан бери унция алтындын баасы 38.05% өстү.