Антимонополия жылытуучу каражаттардын баасын көзөмөлдөөдө

Монополияга каршы жөнгө салуу кызматы Бишкек ЖЭБиндеги авариялык кырдаалга байланыштуу жылыткычтардын, көмүрдүн жана башка социалдык маанилүү товарлардын баасына мониторинг жүргүзүүдө.

Экономика жана соода министрлиги бардык соода түйүндөрүнүн жана ири базарлардын өкүлдөрүнө бааларды жасалма түрдө көтөрбөө тапшырмасын берди.

“Чоң жогорку кампаларда тандалган көмүрдүн баасы тоннасына 4700 сомдон сатылууда. Күйүүчү май жетиштүү”, - деди министрлик.