Банктар аралык валюта соодасынын жыйынтыгы боюнча доллардын курсу 3,03%га жогорулады

Кечээ, 19-апрелде банктар аралык валюта рыногунан коммерциялык банктар 3,4 млн доллар сатып алды,- деп билдирди Кыргызстандын Улуттук банкы.

Соодалоонун ачылуу курсу бир доллар үчүн 82,5 сом деңгээлинде болду. Бирок сатуунун акыр аягынд АКШ доллары 85 сомго чейин жогорулады. Ошентип, соодалар АКШ долларынын наркынын 3,03%га өсүшү менен аяктады.

Эске салсак, бир күн мурун, 18-апрелде банктар аралык соодада коммерциялык банктар 5 млн 740 миң долларды орточо 81,02 сомдон сатып алышкан.