Бишкекте дагы бир ипотекалык турак жайдын курулушуна капсула салынды

Бишкектин 11-кичи районунда мамлекеттик ипотекалык турак жайдын курулушуна капсула салынды.

Министрлер кабинетинен билдиришкендей, бул жерде бала бакча, мектеп, спорт комплекс, бассейн, веложол, соода борбору жана жер астындагы унаа токтотуучу жай болот.

Курулуштун долбоорун ишке ашыруу 60 айды түзөт, анын 12 айы долбоордук-сметалык документтерди даярдоого жана аны тиешелүү мамлекеттик органдарда бекитүүгө каралган.

Белгилеп кетсек, Мамлекеттик ипотекалык компаниянын электрондук порталында учурда 100 миңге жакын адам кезекте турат.