Бишкекте сегиз өлкөнүн баалуу зер буюмдары коюлган көргөзмө өтөт

9-декабрдан 13-декабрга чейин Бишкекте “ORO Jewelry Expo” экинчи зергер көргөзмөсү өтөт. Көргөзмө саат 10:00дөн 22:00гө чейин "Орион" мейманканасында болот. Бул тууралуу Соода-өнөр жай палатасы билдирди.

Маалыматка ылайык, анда Careera & Careera, Grant Jewelry, Delta Diamonds, Maxim Demidov, Sanis, ЮД Кабаровских жана башка көптөгөн таанылган дүйнөлүк бренддердин зер буюмдары көрсөтүлөт.

Көргөзмөдө 8 өлкөнүн бренддери катышууда. Бул өлкөлөр Кыргызстан, Италия, Испания, Казакстан, Орусия, Австралия, Түркия, Тибет. Бул күндөрү алар 3 миңден ашык:

• баалуу металлдардан жасалган, баалуу жана жарым асыл таштар менен жасалган зер буюмдары;
• табигый таштар менен зер буюмдары;
• нике шакектери;
• зергердик сааттар;
• кымбат баалуу металлдардан жасалган идиш-аяктар;
• бижутериялар жана башка зер буюмдары көрсөтүлөт.