Бишкектеги маршруткалар толугу менен автобустарга алмаштырылат
Бишкек мэриясы бардык маршруткаларды толугу менен жаңы автобустарга алмаштырууну көздөп жатат. Маалыматка ылайык, алардын санын 1,5 миңге жеткирүү пландалууда.
Буга чейин жарандарды тейлөө үчүн линияда 330 автобус болсо, бүгүнкү күндө каттамдарда 427 транспорт бар. Жакынкы айларда жүздөгөн жаңы автобустардын келиши күтүлүүдө.
Мындан тышкары, транспортто жүргүнчүлөрдүн коопсуздугун камсыздоо үчүн айдоочулардын жүрүм-турумун көзөмөлдөгөн программалар орнотулган.
Кошумчаласак, алдыда айдоочулар бирдиктүү формага өтүшөт.