Борбор Азиядагы туризм эл аралык экономикалык форумда талкууланды

Түркстан шаарында “Түркстан: туризм, экономика, инвестиция” - TIF’23 эл аралык форуму өттү. Ага Соода-өнөр жай палатасынын вице-президенти Мамасадык Бакиров катышканын СӨПтөн билдиришти.

Форумдун катышуучулары бизнестин натыйжалуу иштешине тоскоол болгон кыйынчылыктарды аныкташты. Форумда Борбордук Азия өлкөлөрүндө туризмди өнүктүрүүнүн келечеги талкууланды.

Мындан тышкары, Кыргызстандын Соода-өнөр жай палатасынын өкүлдөрү региондун өлкөлөрүнүн ортосундагы экономикалык жана инвестициялык демилгелерди өнүктүрүүнү белгиледи.

"Бул иш-чара Борбор Азия өлкөлөрүнүн экономика жана туризм тармагындагы интеграциясы жана өз ара аракеттенүүсү үчүн маанилүү кадам болду", - деп айтылат маалыматта.