Быйыл Чүй облусунда 55 социалдык объект пайдаланууга берилди

Быйыл Чүй облусунда 55 социалдык объект курулуп, пайдаланууга берилди. Бул тууралуу президенттин аталган облустагы өкүлчүлүгүнөн билдиришти.

Маалыматка ылайык, 11 объект активдүү курулуш процессинде, ал эми 7 объект акыркы баскычта, жалпы саны 73кө жетти.

Анын ичинен 17 объект республикалык бюджеттен, 12си жергиликтүү бюджеттен каржыланса, 44 объект кайрымдуулук уюмдарынын эсебинен ишке ашырылган.

Алсак, 15 мектеп, 7 бала бакча, 21 спорт объекти, 7 фельдшердик-акушердик пункт, 6 үй-бүлөлүк медицина борбору, 5 социалдык шаарча, 2 реабилитациялык борбор жана 10 суу түтүктөрү бар суу мунарасы ишке берилди.