Эл аралык ишкерлер кеңешинин Дүйнөлүк банктын өкүлдөрү менен жолугушуусу болду

2-мартта Эл аралык ишкерлер кеңешинин аткаруучу директору Аскар Сыдыков Дүйнөлүк банктын Орто Азиядагы регионалдык директору Лилия Бурунчук жана Дүйнөлүк банктын Кыргыз Республикасындагы туруктуу өкүлү Болормаа Амгаабазар менен жолукту. Бул тууралуу Эл аралык ишкерлер кеңешинин сайтында маалымдалат.

Жолугушуунун катышуучулары өлкөдөгү инвестициялык климаттын абалын, тоо-кен өнөр-жай, энергетика, санариптик технология жана финансы рыногун өнүктүрүү маселелерин талкуулашты.

Жолугушуу Дүйнөлүк банктын регионалдык директорунун Кыргызстандагы сапарынын алкагында болду.