Эне жана баланы коргоо улуттук борборунун кошумча имараты оңдолууда

Жал кичи районунда Эне жана баланы коргоо улуттук борборунун базасында оңдоо, курулуш иштери башталды. Бул тууралуу Саламаттык сактоо министрлиги билдирди.

Белгилеп кетсек, Эне жана баланы коргоо улуттук борборунун 3 кабаттуу курулушу 1995-жылдан бери бүтпөй келет.

Аталган имарат пайдаланууга берилгенден кийин анда гемодиализ борбору иштеп, эндокринология, нефрология бөлүмдөрү жана башка структуралар кеңейтилет.

Кошумчалай кетсек, “Ас Сафа” фонду курулуш иштерин толугу менен каржылап, имаратты медициналык жабдуулар жана эмеректер менен камсыздайт.