Жаңы үлгүдөгү паспорт АКШнын кара тизмесинен чыгууда маанилүү

Жалпы жарандык биометрикалык паспорт АКШнын кара тизмесинен чыгуудагы маанилүү иштердин бири. Бул тууралуу Мамлекеттик каттоо кызматынын төрагасынын орун басары Тилек Батырканов «Кабар» маалымат агенттигинде өткөн маалымат жыйында билдирди.

Анын айтымында, АКШ тарабынан киргизилген санкциянын бирден бир себеби КР жалпы жарандык паспортунда заманбап коргоо элементтеринин жоктугу болгон.

Эскерте кетсек, 2020-жылдын январь айында АКШнын президенти Дональд Трамп кыргызстандыктардын АКШга кирүүсүнө чектөө койгон.