Коронавирус менен күрөшүүгө эл аралык донорлордон 174.5 млн доллар которулган

Республикалык бюджеттин чыгашаларынын кыскарышы социалдык төлөмдөргө таасирин тийгизбейт. Бул тууралуу 5-майда каржы министри Бактылгүл Жеенбаева президент Сооронбай Жээнбеков менен болгон жолугушууда билдирди.

Андан сырткары министр коронавирус менен күрөшүүгө эл аралык донорлордон 174.5 млн доллар которулганын кошумчалады.

Эске сала кетсек, 29-апрелде вице-премьер-министр Эркин Асрандиевдин берген маалыматы боюнча, чет мамлекеттерден Кыргызстанга келип түшкөн жардамдын суммасы 120.8 млн долларды түзгөн.