Жумабеков: Катар Кыргызстанга 9.2 млн долларга оорукана салып берет

Бишкектеги Травматология жана ортопедия илимий изилдөө борборунун аймагына 420 орундуу 9 кабаттуу корпус салынат. Каражат Катар мамлекети тарабынан бөлүнөт. Бул тууралуу борбордун жетекчиси Сабырбек Жумабеков билдирди.

Анын айтымында, курулуш иштерине 9.2 млн доллар гранттык негизде бөлүнөт. Тиешелүү тендер Катар элчилиги тарабынан өткөрүлөт, курулуш иштери аяктаганга чейин бардыгы көзөмөлгө алынып турат.

«Элчи Абдулла бин Ахмед Аль-Сулайтинин Кыргызстандагы иш-сапарынын жүрүшундө, борбордун курулушу пландаштырылып жаткан аймактын абалы менен таанышып, долбоорду эртерээк ишке ашырууга кызыкдар жана Катар мамлекетинин өкмөтү долбоорду каржылоого даяр экендигин билдирген», - деди Жумабеков.