Казакстан Кыргызстанга 77,7 млн сомго гуманитардык жардам жөнөттү

Казакстан Кыргызстанга гуманитардык жардам катары 400 жасалма дем алдыруучу аппарат жана 2 млн беткап берди. Бул тууралуу КР Тышкы иштер министрлигинен билдиришти.

Гуманитардык жардамдын баасы 77,7 млн сомду түзөт.

Жасалма дем алдыруучу аппараттар менен беткаптар Бишкекке кеечээ, 25-ноябрда алынып келип, аны кыргыз тарапка өткөрүп берүү иш-чарасы бүгүн, 26-ноябрь күнү болуп өтөт.

«Кыргыз тарап көрсөтүлгөн жардам үчүн Казакстандын өкмөтүнө ыраазычылык билдирип, коронавируска каршы күрөштө көрсөтүп жаткан жардамын жогору баалайт», - деп билдирет министрлик.