Казакстан селден улам 16 миң тонна мунайды жоготту

Казакстанда селден улам 16 миң тонна мунай өндүрүлгөн жок. Бул тууралуу “КазТаг” маалымат агенттиги өлкөнүн Энергетика министрлигинин басма сөз кызматына таянып билдирди.

Маалыматка ылайык, Казакстандагы суу ташкынынан улам Актөбө жана Атырау облустарындагы мунай өндүрүүчү ишканаларда 634 нефть чыгуучу скважина токтоп, мунай өндүрүүнүн жалпы жоготуусу 16 миң тоннаны түзгөн.

"Бүгүнкү күндө 141 скважинанын иши калыбына келтирилип, 493 скважинада өндүрүш дагы эле токтоп турат", - деп айтылат маалыматта.