Кыргызстан менен Казакстандын банктык  эсебинен акча чыгарып турган уюшкан кылмыштуу топ кармалды

Кыргызстан менен Казакстандын банктык эсебинен Орусиянын аймагынан тынымсыз акча чыгарып турушкан уюшкан кылмыштуу топ кармалды. Бул тууралуу Россия Федерациясынын күч органдары кабарлашты.

Орусиянын Башкы экономикалык коопсуздук жана коррупцияга каршы күрөшүү кызматы уюшкан кылмыштуу топтун бетин ачышкан.

«Кылмышкерлер текшерүү биржа ишмердүүлүгүн жүргүзгөн уюмдардын эсеби аркылуу мыйзамсыз акча которууларды жүргүзүп келишкен», - деп жазылат маалыматта.

Алдын-ала берилген маалыматка ылайык, чет жерге бир канча деген миллиард рублдар которулуп кеткен. Бул үчүн кылмышка шектүүлөр жасалма документтерди көрсөтүшкөн.

Бүгүнкү күндө ыкчам иликтөөнүн жыйынтыгында топтун уюштуруучусу кармалган.