Криптовалютанын лицензиясы 20 миң сомду түзөт
Улуттук банк Кыргызстандагы виртуалдык актив тармагын жана криптовалюталардын айлануусун көзөөлдөөнү каалайт. Тиешелүү мыйзам долбоору регулятор тарабынан коомдук талкууга чыгарылды.
Улуттук банк белгилегендей, мыйзам долбоору террористтик ишмердүүлүктү каржылоо тобокелдиктерин азайтуу үчүн укуктук базаны түзүүгө, кылмыш жолу менен алынган кирешелерди легалдаштыруу (адалдоо) жана керектөөчүлөрдүн укугун коргоого багытталган. Андан сырткары, бул тармактын катышуучулары так аныкталган. Операторлор тарабынан мыйзам долбоору жактырылган соң, криптовалюта лицензиясынын баасы 20 миң сомду түзөт.
Криптовалютаны сатып алуу жана сатуу улуттук валютада жүргүзүлөт.