Кыргызстан менен Иордания дипломатиялык визаны жоет

Кыргызстан менен Иордания дипломаттык жана кызматтык визаны жоет. Тиешелүү макулдашууга Кувейттеги элчи Азамат Карагулов менен аталган мамлекеттин Тышкы иштер министрлигинин дипломаттык жана эмигранттар иштери боюнча баш катчысы Мажид Салжи Аль-Катарна кол коюшту.

Жолугушуунун жүрүшүндө тараптар кыргыз-иордан мамилелеринин күн тартибиндеги актуалдуу маселелерди талкуулашты.

Алсак, эки өлкө ортосунда өкмөт аралык сапарларды уюштуруу, билим берүү, кош салыктан бошотуу, туризм жана түз аба каттамдарын уюштуруу боюнча укуктук-келишим базаларын кеңейтүү талкууланды.