Кыргызстанда 200 жаш дарыгер «Дарыгердин депозитин» алат

Кыргызстанда "Дарыгердин депозити" программасында 200 жаш дарыгер бар. Алар ар бир квартал сайын 35 миң сом кошумча акча алат. Бул тууралуу саламаттык сактоо министри Алымкадыр Бейшеналиев билдирди.

Анын айтымында, аталган программа 2019-жылы – 175 орун болсо, 2024-жылы кошумча 25 орун бөлүнүп, жалпы саны 200 орунду түздү. Анын ичинен 51 орун Үй-бүлөлүк дарыгерлерге каралган.

Белгилеп кетсек, 2023-жылы бюджеттик негизде ординатураны 431 киши бүтүргөн. Алардын 216 (50,1%) бүтүрүүчү облустардагы саламаттык сактоо уюмдарына бөлүштүрүлгөн.

“Дарыгердин депозити” программасы 2007-жылы кабыл алынган.