Кыргызстанга жасалма товарларды ташып келүү сегиз эсе өстү

Былтыр, 2022-жылы Евразия экономикалык биримдигинде 8,7 млн сомго жакын контрафакттык товар аныкталган. Бул тууралуу Евразия экономикалык комиссиясынын департаментинин директорунун орун басары Нуржамал Ильясова “Антиконтрафакт-2023” форумунда билдирди.

Анын айтымында, бул 2021-жылга караганда эки эсе аз жана 2016-жылдан берки эң төмөнкү көрсөткүч.

“Контрафакттык (ред. оригинал эмес) продукциялар азыраак аныкталууда. Атап айтканда Арменияда — 20 эсе, Беларусияда — 3 эсе, Орусияда — 2,2 эсе”.

Ошол эле учурда, аныкталган жасалма продукциянын саны: Казакстанда – 3,3 эсеге жана Кыргызстанда – 8 эсеге көбөйгөн.