Кыргызстандыктар салык карызы тууралуу билдирүүлөрдү онлайн алышат

Мамлекеттик салык кызматы жарандардын карызы тууралуу билдирүүлөрдү Cabinet.salyk.kg сайтындагы “Салык төлөөчүнүн кабинети” аркылуу жөнөтө баштады.

Ведомство билдирүүнү электрондук түрдө жибергенден кийин 5 календардык күндүн ичинде маалымат жетти деп эсептелерин белгилейт.

Салык төлөөчүгө өз ыктыяры менен төлөм жүргүзүү үчүн 15 күн берилет. Каражат убагында же толук төлөнбөсө, акча банк эсебинен чыгарылып алынат, салык посту түзүлөт, өлкөдөн сыртка чыгууга чектөө коюлат жана башка ушул сыяктуу чаралар көрүлөт.

Мамлекеттик салык кызматы мындай кесепеттерди болтурбоо үчүн салык төлөөчүлөрдү “жеке кабинетин” такай текшерип турууга чакырат.