«Манас» аэропорту» 2020-жылы Кыргызстандагы мыкты листингдик компаниясы деп таанылды

Эл аралык «Манас» аэропорту 2020-жылдын жыйынтыктары боюнча «Мыкты листингдик компания» номинациясынын жеңүүчүсү деп аталды.

«Мыкты листингдик компания» номинациясы баалуу кагаздары Кыргыз фондулук биржасында катталган компанияларга ачык-айкындуулукту камсыз кылгандыгы үчүн ыйгарылат.

Мыкты листингдик компанияларды аныктоо үчүн талапкерлер төмөнкү критерийлер боюнча бааланышат:

- акцияларга болгон суроо-талап;

- фондулук рынокто баалуу кагаздарга байланыштуу активдүүлүк;

- акциялардын өтүмдүүлүгү,

- маалыматтардын ачыктыгы,

- очтеттук мезгилдеги каржылык көрсөткүчтөр.

2020-жылы Кыргыз фондулук биржасы Эл аралык «Манас» аэропортунун баалуу кагаздары менен 10,6 миллион сомго 90 бүтүм жүргүзгөн.