Нарынга 47 млн сомго панорамалык аттракцион курулат

Нарын шаарынын Москва чөлкөмүндөгү сейил бак реконструкцияланып, панорамалык аттракцион коюу пландалууда. Бул тууралуу президенттин аталган облустагы өкүлчүлүгү билдирди.

Панораманы курууга 47 млн сом жумшалат. Ал өзүн 5 жылда актайт деген болжолдонууда.

“Панорамалык аттракцион шаардын көркүнө көрк кошуу менен бирге элге эс алуу тартуулап, бюджетке киреше алып келе турган жай болот”, - деп белгиленет маалыматта.

Белгиленгендей, бул облус жетекчиси Алтынбек Эргешов демилгелеген "Нарын - реновация" креативдүү долбоорунун бир бөлүгү.