Ошто 7,3 млн сомдук акциз маркалары жок тамекини ташыган жаран кармалды

Бажы кызматкерлери 7,3 млн сомдук акциз маркалары жок тамекини ташыган жаранды кармады. Бул тууралуу аталган кызматтын маалымат кызматы кабарлады.

Маалыматка ылайык, бажы кызматкерлери Ж.К.А., аттуу кыргызстандыктын башкаруусундагы Mercedes-Benz 211 үлгүсүндөгү унааны Ош шаарынан чыгып бара жаткан жеринен токтотушкан.

“Транспорттук каражатты текшерүүдө акциз маркалары жок 1 млн 740 миң даана (14 миң 500 куту, 29 таңгак) болгон Milano London жана Milano New York соода маркасынын филтри менен тамекилер товары табылган. Кармалган жүктүн орточо базар баасы 7 млн 395 миң сомду түздү”,- деп айтылат маалыматта.

Аталган факты каттоого алынып, материалдар Ош облусунун прокуратурасына өткөрүлүп берилген.