Саламаттык сактоо тармагында чыгашанын көлөмү эки эсеге өсөөрү кабарланды
Үстүбүздөгү жылдын республикалык бюджетинин каржы активдери менен бирге жалпы чыгашасы 194 млрд 283.6 млн сомду түздү. Бул тууралуу Кыргызстандын финансы министрлиги маалымдады.
Каражаттын басымдуу бөлүгүн же 144.2 млрд сомду — бюджеттик каражаттар, 11.4 млрд сом — атайын эсептеги каражаттар жана 38.7 млрд сом — мамлекеттик инвестициялар түздү.
Саламаттык сактоо тармагына болгон чыгашанын көлөмү эки эсеге (78.2%) жогорулайт, ал эми социалдык коргоого болгон чыгым тескерисинче кыскартылды. Чыгымдын көлөмү 2020-жылга салыштырмалуу -4% төмөндөтүлгөн. Ошол эле учурда жалпы мамлекеттик кызмат көрсөтүүлөрдү тейлөө үчүн бөлүнгөн суммалардын көлөмүнүн туруктуу өсүп жатканы байкалууда.