Салык кызматы отчет бербеген салык төлөөчүлөрдү мажбурлап жоюуга дээрлик 1500 ишти сотко берди
Мамлекеттик салык кызматы үч айдын аралыгында салык отчетун бербеген салык төлөөчүлөрдү издөө жана кыскартуу боюнча белгилүү бир иштерди жүргүздү.
Алсак, 2021-жылдын декабрында, 2022-жылдын январь-февралында салык органдары тарабынан салык отчетторун бербеген ишкер субъекттерди мажбурлап жоюу үчүн сотко 1 миң 471 доо арызы берилген. Алардын ичинен 783 юридикалык жак жана 688 жеке ишкер. Сот тарабынан 284 иш каралды.
Азыркы учурда сотко өткөрүп берүү үчүн 5 миң 576 салык төлөөчүгө карата материалдар даярдалып жатат.
Мындан тышкары, Салык кызматы патенттин негизинде иш жүргүзгөн жана 3 жылдан ашык патент албаган 9381 жеке жактын каттоосун жокко чыгарды.
Мамлекеттик салык кызматы отчет бербеген же патент албаган субъекттерди кыскартуу боюнча ишти улантат.