Салык кызматы салыктарды чогултуу планын 7%га ашыгы менен аткарды

Ушул жылдын январь-апрель айларында Мамлекеттик салык кызматы 29 миллиард 781,6 миллион сом салыктарды жана төлөмдөрдү чогулткан. Бул тууралуу аталган кызматтын коомчулук менен байланыш бөлүмү билдирди.

Мында белгиленген план 106,9% га же 1 млрд 923,7 млн ​​сомго ашыкча аткарылган.

Республикалык бюджетке 23 миллиард 641,2 миллион сом чогултулуп, план 105,6% га же 1 миллиард 261,2 миллион сомго ашыкча аткарылды. Өткөн жылдын ушул мезгилине салыштырмалуу жыйымдар 6 миллиард 421 миллион сомго көбөйдү (өсүү темпи 137,3%).

Жергиликтүү бюджетке салыктык түшүүлөр 6 миллиард 140,4 миллион сомду түзүп, план 112,1% га же 662,5 миллион сомго ашыкча аткарылды. 2020-жылдын ушул мезгилине салыштырмалуу 1 миллиард 443,6 миллион сомго көп чогултулган (өсүү темпи 130,7%).