Швейцария менен ЮНФПА КР медкызматкерлерине ИКК берди

Швейцариянын өкмөтү БУУнун Кыргызстандагы Калкты жайгаштыруу тармагындагы фонду (ЮНФПА) менен биргеликте Кыргыз Республикасынын Саламаттык сактоо министрлигине индивидуалдык коргонуу каражаттарын өткөрүп берди – бул 15 миллион сом өлчөмүндөгү колдоо. Бул тууралуу республикалык штаб кабарлады.

Маалыматта айтылгандай, ИКК Чүй, Нарын жана Ош облустарындагы мобилдик медициналык бригадаларын камсыздоого жумшалат.

Гуманитардык жардам катары төмөнкү каражаттар келди:

• Нитрилден жасалган кол каптар – 100 коробка;
• Индивидуалдык халаттар – 3 миң 800;
• Комбинезондор – 3 800;
• Респиратордук бет каптар – (FFP2) – 3 миң 700;
• Хирургиялык бет каптар – 5 миң;
• Панорамалык көз айнектер – 3 миң 800;
• Бет үчүн коргонуу каптары – 3миң 800.