Соцфонддун төрагасы багарынан айрылгандар канча акча аларын айтты
2021-жылга чейин багуучусунун бирөөсү каза болсо, пенсиянын базалык бөлүгү 700 сом болуп келген. 2021-жылы президент Садыр Жапаровдун жарлыгы чыккан. Жарлыктын негизинде ал 3 миң сомго чейин жогорулаган. Бул тууралуу "Акчабарга" Соцфонддун төрагасы Бактияр Алиев билдирди.
Ал эми бала ата-энесинин экөөсүнөн тең ажыраган болсо, пенсиянын базалык бөлүгү 6 миң сомго көтөрүлгөн.
"Камсыздандыруу төгүмдөрүн төгүп жүргөндүктөн, жаран пенсия курагына жетпей каза болсо, балдарына пенсия төлөнүп берилет", - деди Алиев.