Соцтармактын кызматкерлеринин айлыгын көбөйтүүгө апрелде 7,2 млрд сом жумшалды

Өлкөдө апрель айында билим берүү, саламаттыкты сактоо, маданият, спорт, илим, маалымат жана социалдык кызматкерлеринин маяналарын көбөйткөнгө 7,190 млрд жумшалды. Мындай маалымат Финансы министрлигинин расмий сайтында жарыяланды.

Анын ичинен:

• Билим берүү жана илим министрлиги боюнча 4 930,9 млрд сом;
• Маданият, маалымат жана спорт министрлиги боюнча 383 млн сом;
• Саламаттыкты сактоо министрлиги боюнча 183,3 млн сом жана ММКФ 1 265,1 млрд сом;
• Эмгек жана социалдык өнүктүрүү министрлиги боюнча 125,4 млн сом.

“Социалдык чөйрөнүн кызматкерлеринин жогоруда көрсөтүлгөн категорияларына эмгек акы жогорулатылганга чейин 2022-жылдын январь-март айларына финансылык пландын орточо айлык керектөөсү 3 566,7 млрд сомду түзгөн же өткөн айларга салыштырмалуу апрель айына өсүү 2 эсени түздү”, - деп жазылат маалыматта.