Ыссык-Көлдүн Бает айылына 25 млн сомго бала бакча курулду

Ыссык-Көл районунун Бает айылында жаңы бала бакча ачылды. Курулуш ишине 25.4 млн сом сарпталган. Бул тууралуу Ыссык-Көл облусун өнүктүрүү Фонду билдирди.

Фонддон белгилешкендей, керектүү эмерек жана жабдыктар 1.2 млн сомго сатылып алынган. Бала бакча 100 балага эсептелген жана бардык шарттар түзүлгөн.

Белгилей кетсек, Ыссык-Көл облусун өнүктүрүү Фондуна «Кумтөрдөн» түшкөн кирешенин 1% которулуп турат.